Árið 2001 fundust rústir skála frá landnámstíð í Reykjavík, en einnig veggjarbútur sem talinn er vera frá því um 871. Þessar fornleifar voru varðveittar og eru til sýnis á Landnámssýningunni. Sýningin byggir á kenningum fræðimanna um það sem fornleifar í Reykjavík geta sagt okkur um líf og störf þeirra sem fyrst settust hér að. Fjölbreyttur margmiðlunarbúnaður er notaður til að varpa ljósi á þessa sögu.